Breaking

Post Top Ad

Thursday, May 30, 2019

வவுணதீவு பொலிஸ் பிரிவில் கசிப்பு உற்பத்தி நிலையம் முற்றுகை - 52 போத்தல் கசிப்புடன் இருவர் கைது

(வவுணதீவு எஸ்.சதீஸ்)

மட்டக்களப்பு  - வவுணதீவு பொலிஸ் பிரிவில் வியாழக்கிழ​மை (30ம் திகதி ) அதிகாலை  சட்டவிரோதமாக தயாரிக்கப்பட்டுவந்த கசிப்பு உற்பத்தி நிலையத்தினை பொலிஸார் முற்றுகையிட்டதில் இருவர் கைது செய்யப்பட்டதுடன்  கசிப்பு கொள்கலன்களும், சில பொருட்களும் பொலிஸாரால் கைப்பற்றப்பட்டுள்ளன என  வவுணதீவு பொலிஸ் நிலைய பொறுப்பதிகாரி கே.டி.நிசாந்த அப்புகாமி தெரிவித்தார்.



வவுணதீவு பிரதேசத்திலுள்ள ​பதுமண்டபத்தடி கிராம சேவகர் பிரிவிலுள்ள நொச்சண்டகல் காட்டுப் பகுதியில் பொலிஸாரால் மேற்கொண்ட சுற்றிவளைப்பின்போது 52 போத்தல் கசிப்புடன், கொள்கலன்கள், பரல்   உள்ளிட்ட கசிப்பு உற்பத்தி செய்யும் பொருட்களுடன்  சந்தேகத்தின் பேரில்  இருவரையும் பொலிஸார் கைது செய்துள்ளனர். .



பொலிஸாருக்கு கிடைத்த இரகசிய தகவலின் அடிப்படையில், வவுணதீவு பொலிஸ் நிலைய பொறுப்பதிகாரி கே.டி.நிசாந்த அப்புகாமி தலைமையில் வியாழக்கிழமை அதிகாலை 2 மணியளவில் ​இந் நடவடிக்கை மேற்கொள்ளப்பட்டுள்ளது.


கைது செய்யப்பட்ட இருவரையும் நீதிமன்றில் ஆஜர்படுத்தியுள்ளதாகவும் வவுணதீவு பொலிஸ் நிலைய பொறுப்பதிகாரி  தெரிவித்தார்.


No comments:

Post a Comment

Note: Only a member of this blog may post a comment.

Pages