Breaking

Post Top Ad

Monday, February 4, 2019

ஆளுநருக்கு எதிரான கையெழுத்துகள், ஜனாதிபதியிடம் கையளிப்பு



கிழக்கு மாகாண ஆளுநருக்கு எதிராக, தமது கட்சி சார்பாக, மக்கள் மத்தியில் சேகரிக்கப்பட்ட கையெழுத்துகள் அடங்கிய மகஜரை, ஜனாதிபதி செயலாளரிடம் கையளித்துள்ளதாக, தமிழர் ஐக்கிய சுதந்திர முன்னணியின் செயலாளர் வீ.கமலதாஸ் தெரிவித்தார்.

இது தொடர்பாக அவர் மேலும் கருத்துத் தெரிவிக்கையில், கடந்த காலங்களில் தனது அதிகாரங்களைப் பயன்படுத்தி, நீதிபதியை மாற்றியவர், “இந்து ஆலயங்களை உடைத்து, பள்ளிவாசல் கட்டுனேன்” எனக் கூறிய ஒருவரை, தாம் ஒருபோதும் கிழக்கு மாகாணத்தை ஆள விடமாட்டோம் என்றார்.

இப்பதவிக்கு மிகவும் பொருத்தமான ஒருவரை ஜனாதிபதி நியமிக்க வேண்டுமெனக் கோரிக்கை விடுத்த அவர், இதற்கான முடிவுகளுடன் மிக விரைவில் தொடர்புகொள்வதாக, ஜனாதிபதி செயலாளர் கூறியதாகவும் தெரிவித்தார்.



No comments:

Post a Comment

Pages