மட்டக்களப்பு மாவட்டத்தில் போதைக்கு எதிரான தேசிய வேலைத்திட்டம்

தேசிய போதைப்பொருள் வாரத்தை முன்னிட்டு மட்டக்களப்பு மாவட்டத்தில் போதைக்கு எதிரான பாடசாலை வாரமாக அமுல்படுத்தப்பட்டு போதைப் பொருள் தடுப்பு பாடசாலை நிகழ்ச்சி திட்டங்கள் முன்னெடுக்கப்பட்டு வருகின்றன


மட்டக்களப்பு கல்வி வலயத்தில் 29 பாடசாலைகள் தெரிவு செய்யப்பட்டு பாடசாலை மாணவர்கள் மத்தியில் பொருள் தடுப்பு  தொடர்பான விழிப்புணர்வு நிகழ்வுகள் நடாத்தப்பட்டு வருகின்றன

இதற்கு அமைய மட்டக்களப்பு சத்துருக்கொண்டான்  புளியடிமுனை  அரசினர் தமிழ் கலவன் பாடசாலையின் ஆசிரியர் கைலாசநாதன் ஒழுங்கமைப்பில் அதிபர் எ .விஜேகுமார் தலைமையில் போதைப் பொருள் தடுப்பு விசேட நிகழ்வு நடைபெற்றது .

நடைபெற்ற போதைப் பொருள் தடுப்பு நிகழ்வில் பாடசாலை மாணவர்களுக்கு போதைப்பொருள் தொடர்பாக தெளிவு படுத்தலும் , .அதனால் ஏற்படும் விளைவுகள் மற்றும் போதைப்பொருள் விற்பனை செய்வதனால், நீதிமன்றத்தினால் வழங்கப்படும் தண்டனைகள் தொடர்பான கருத்துரைகள் வழங்கப்பட்டன 

இந்நிகழ்வில் பொதுசுகாதார பரிசோதகர்கள் , பொலிஸ் உத்தியோகத்தர்கள் , சமுர்த்தி மற்றும் அபிவிருத்தி உத்தியோகத்தர்கள் , கொக்குவில் வட்டார மாநகர சபை உறுப்பினர் , ஊடகவியலாளர்கள் ,பாடசாலை ஆசிரியர்கள் ,மாணவர்கள் ,பெற்றோர்கள் கலந்துகொண்டனர்