சந்திரிக்காவை மீறி இலங்கை வரலாற்றில் இடம்பிடித்த மஹிந்த

இலங்கையில் ஒரு முறையில் குறைந்த நாட்கள் பிரதமர் பதவியில் செயற்பட்ட நபராக வரலாற்றில் இணையும் சந்தர்ப்பம் தற்போது மஹிந்த ராஜபக்சவுக்கு ஏற்பட்டுள்ளது.

இதற்கு முன்னர் இலங்கையில் குறைந்த காலங்கள் பிரதமர் பதவியில் செயற்பட்டவராக சந்திரிக்கா பண்டாரநாயக்க குமாரதுங்கவே காணப்பட்டார்.
அவர் 1994ஆம் ஆண்டு நவம்பர் மாதம் 12ஆம் திகதி வரை பிரதமராக செயற்பட்டார். மொத்தமான அவர் 85 நாட்கள் பிரதமராக செயற்பட்டுள்ளார்.
மஹிந்த ராஜபக்ச இம்முறை 2018ஆம் ஆண்டு ஒக்டோபர் மாதம் 26ஆம் திகதி பிரதமராக பெயரிடப்பட்டார்.

எனினும் அவர் பிரதமராக பதவியேற்று நாடாளுமன்றத்திற்கு வந்த முதல் நாளில் அவருக்கு எதிராக நம்பிக்கையில்லா பிரேரணை ஒன்று சமர்ப்பிக்கப்பட்டது.

எனினும் அதனை ஜனாதிபதி நிராகரித்தார். அதற்கமைய அவருக்கு டிசம்பர் மாதம் 3ஆம் திகதி வரை பதவியில் செயற்படுவதற்கு சந்தர்ப்பம் கிடைத்தது.
இன்றைய தினம் அவருக்கும் அவரது அமைச்சரவையும் இடைக்கால தடை விதித்து நீதிமன்றம் தீர்ப்பு வழங்கியது.

அதற்கமைய மஹிந்த ராஜபக்ச இம்முறை 38 நாட்கள் மாத்திரமே பிரதமராக செயற்பட்டு வரலாற்றில் இடம்பிடித்துள்ளார்.