Breaking

Post Top Ad

Monday, May 7, 2018

இன,மத,மொழிரீதியாக சமாதானத்தை கட்டியெழுப்பமுடியும்.

(க. விஜயரெத்தினம்)
நீதியும் சமாதானமும் எங்கெல்லாம் இருக்கின்றதோ அங்கு அமைதி நிலவுகின்றது. அமைதி நிலவுமானால் அப்பிரதேசம் அபிவிருத்தியடையுமென மட்டக்களப்பு மாவட்ட அரசாங்க அதிபர் மாணிக்கம் உதயகுமார் தெரிவித்தார்.

மட்டக்களப்பு மாவட்ட சமாதானநீதவான்கள் சமூகமேம்பாட்டு அமையத்தின் 5ஆம் ஆண்டுவிழாவும்,சமூகஜோதி விருது வழங்கும் நிகழ்வு மாவட்ட செயலகத்தின் மண்டபத்தில் பாவலர் சாந்தி முஹீயிதீன் தலைமையில் சனிக்கிழமை(5.5.2018)நடைபெற்றபோதே பிரதம அதிதியாக கலந்து கொண்டு பேசுகையிலே இவ்வாறு தெரிவித்தார்.


அவர் தொடர்ந்தும் பேசுகையில்:-இந்த மாவட்டத்திலே சகல பகுதிகளிலும் உள்ள இந்த சமாதானநீதவான்களைப் பற்றியும்,அவர்களின் சேவைகளையும் அறிவோம்.உண்மையிலே சுவாமி விவேகானந்தர்  தைரியமும்,சிறப்பும் பெற்றிருப்பவர்கள் பலரின் நன்மைக்காகவும்,சுகத்திற்காகவும் தங்களை தியாகம் செய்தே ஆகவேண்டும் என்று கூறினார்.அதேபோல நீதியானவர்கள் மறுமையிலும் அல்லாவின் நிழலில் சுகம்பெறுவார்கள் என்று கூறியிருக்கின்றார்.நபிகள் நாயகம் அவர்கள் கூறியிருக்கின்றார் “நீதியை நிலைநாட்டும் வேட்கை கொண்டோர் பேறுபெற்றோர் ஆவர் என்று.அனைத்து மதங்களும் சமாதானத்தையும், மக்களிடையே இருக்கின்ற சகோரத்துவத்தையும் விளக்குகின்றது.நீதியும் சமாதானமும் எங்கெல்லாம் இருக்கின்றதோ அங்கு அமைதி நிலவுகின்றது.அமைதி நிலவுமானால் அப்பிரதேசம் அபிவிருத்தி அடையும்.

எம்மத்தியிலே இருக்கும் உறவுகள் கடந்தகாலங்களில் நீதிக்காகவும்,சமாதானத்திற்காகவும் பாடுபவர்கள் பாராட்டப்பட வேண்டும்.இன்றைய நிகழ்வுகளில் சமூகஜோதி விருது பெற்ற பெரியோர்கள் கௌரவிக்கப்பட்டுள்ளார்கள்.இவர்களின் முகத்தைப் பார்க்கும் போது அவர்களின் கண்ணிலே ஆனந்தக்கண்ணீர் சிந்துவதை கண்டுள்ளேன்.

கடந்தகாலங்களில் தங்களின் குடும்பத்திற்காகவும்,பிரதேச விருத்திக்காகவும்,இந்த சமூகத்தின் வளர்ச்சிக்காகவும் அர்ப்பணிப்புடன் சேவை செய்திருக்கின்றார்கள்.இவர்களை இம்மண்ணிலே பாராட்டுவதில் நான் மகிழ்ச்சியடைகின்றேன்.இவர்களில் ஒரு சிலர் இன்று முதன்முதலில் கௌரவிக்கப்படுகின்றார்கள்.இந்த சந்தர்ப்பம் இவர்களுக்கு கடந்தகாலங்களில் கைகூடவில்லை.இதனை ஏற்படுத்திய மாவட்ட சமாதானநீதவான்கள் அமைப்பை நான் பாராட்டுகின்றேன்.

மட்டக்களப்பு மாவட்டத்திலே இன,மத,மொழிரீதியாக சமாதானத்தை கட்டியெழுப்பமுடியும் என நான் உண்மையிலே எதிர்பார்க்கின்றேன். எங்களுடைய காலத்தில் மாவட்ட செயலகத்தின் ஊடாக சமாதான முயற்சிகளை எடுத்திருக்கின்றேன்.மாவட்ட சமாதான பேரவையை அமைத்திருக்கின்றோம்.அதனூடாக இனங்களுக்கிடையிலும், மதங்களுக்கிடையிலும் நல்லிணக்கத்தை கட்டியெழுப்பியுள்ளோம்.அதன் மூலம் சமூக நல்லிணக்கத்தை உருவாக்ககூடிய அமைப்புக்களை உருவாக்கியுள்ளோம்.இனரீதியாகவும்,மதரீதியாகவும் பொதுவான விழாக்களை மாவட்ட செயலகத்தினால் நடாத்தியுள்ளோம் எனத் தெரிவித்தார்.



No comments:

Post a Comment

Note: Only a member of this blog may post a comment.

Pages