Tuesday, October 16, 2018

வவுணதீவு பிரதேச செயலகத்தில் சிறுவர்கள் முதியோர் கௌரவிப்பு

வவுணதீவு பிரதேச செயலகத்தில் சிறுவர்கள் முதியோர் கௌரவிப்பு

(M.Sasi)
மண்முனை மேற்கு பிரதேச செயலகத்தில் நடைபெற்ற சர்வதேச சிறுவர் தின நிகழ்வும் முதியோர் வார நிகழ்வும் வியாழக்கிழமை 11.10.2018ஆம் திகதி பிரதேச செயலக மண்டபத்தில் நடைபெற்றது.

இந் நிகழ்வில் மண்முனை மேற்கு பிரதேசத்தில் சாதனை படைத்த மாணவர்களும், முதியோர்களும்  பாராட்டி கௌரவிக்கப்பட்டனர்.

இதன்போது சிறுவர்களின் கலை நிகழ்வுகளும் அதிதிகளின் உரையும் இடம்பெற்றது.
காட்டு யானைகள் ஏறாவூர் நகருக்குள் ஊடுருவ முற்படுவதால் இரவில் அச்சம்.

காட்டு யானைகள் ஏறாவூர் நகருக்குள் ஊடுருவ முற்படுவதால் இரவில் அச்சம்.

மட்டக்களப்பு மாவட்டத்தின் ஏறாவூர் நகர பிரதேசத்திலுள்ள கொடுவாமடு, பன்குடாவெளி –ஏறாவூர் வாவிக்கரையினூடாக காட்டு யானைகள் கூட்டம் நகருக்குள் பிரவேசிக்க முற்பட்டு வருவதால் கடந்த சில தினங்களாக ஏறாவூர் வாவிக்கரையோரத்தில் வசிக்கும் மக்களிடையே அச்ச நிலை ஏற்பட்டுள்ளது.

ஏறாவூர் வாவிக்கரைப் பிரதேசத்தை அண்டியே சிறுவர் பூங்கா, பாடசாலை, விளையாட்டு மைதானம், கலாச்சார மண்டபம், சமூக சேவைகள் அலுவலகம், பிரதேச செயலகம், மூத்தோர் பொழுதுபோக்குப் பூங்கா, பள்ளிவாசல்கள்  உட்பட இன்னும் பொதுமக்களின் வீடுகளும் அமைந்துள்ளன.

Monday, October 15, 2018

விபத்தில் சிக்கிய குடும்பஸ்தர் சிகிச்சை பயனின்றிப் பலி

விபத்தில் சிக்கிய குடும்பஸ்தர் சிகிச்சை பயனின்றிப் பலி

வீதி விபத்தில் சிக்கி படுகாயமடைந்த நிலையில் மட்டக்களப்பு போதனா வைத்தியசாலையில் சிகிச்சை பெற்றுவந்த குடும்பஸ்தர் சிகிச்சை பயனின்றி மரணமடைந்துவிட்டதாக ஏறாவூர் பொலிஸார் தெரிவித்தனர்.

மட்டக்களப்பு – கொழும்பு நெடுஞ்சாலை சந்திவெளி எனுமிடத்தில் ஞாயிற்றுக்கிழமை 14.10.2018 இரவு 7.30 மணியளவில் இடம்பெற்ற இச்சம்பவத்தில் கதிராமன் மகேஸ்வரன் (வயது 52) எனும் 4 பிள்ளைகளின் தந்தையே பலியாகியுள்ளார்.

இவர் சைக்கிளில் வந்து கொண்டிருந்தபோது தனியார்  பஸ் ஒன்றினால்  மோதுப்பட்டு படுகாயமடைந்துள்ளார்.

உடனடியாக சந்திவெளி பிரதேச வைத்தியசாலையில் அனுமதிக்கப்பட்டு பின்னர் மேலதிக சிகிச்சைக்காக மட்டக்களப்பு போதனா வைத்தியசாலைக்கு மாற்றப்பட்டு சிகிச்சையளிக்கப்பட்ட சமயம் சிகிச்சை பயனின்றி திங்கட்கிழமை 15.10.2018 மரணமடைந்துள்ளார்.

இச்சம்பவம் தொடர்பாக பொலிஸார் மேலதிக விசாரணைகளில் ஈடுபட்டுள்ளனர்.

விபத்தை ஏற்படுத்தியதாகச் சந்தேகிக்கப்படும் தனியார் பஸ்ஸை பொலிஸார் ஏறாவூர் பொலிஸ் நிலையத்தில் தடுத்து வைத்துள்ளனர்.


 போலி முகநூல் செயற்பாடு    சர்ச்சை தாக்குதலாக மாறியதில் 11 பேர் கைது    ஒரு பெண் படுகாயம்

போலி முகநூல் செயற்பாடு சர்ச்சை தாக்குதலாக மாறியதில் 11 பேர் கைது ஒரு பெண் படுகாயம்

போலி முகநூலுக்கூடாக அவதூறுகளைப் பரப்பிய விடயத்தில் தொடங்கிய சர்ச்சை நபரக்ளுக்கிடையிலான நேரடித் தாக்குதலாக மாறியதைத் தொடர்ந்து இந்த விவகாரத்தோடு சம்பந்தப்பட்ட போலி முகநூல் குழுவைச் சேர்ந்த இருவர் உட்பட தாக்குதலில் ஈடுபட்ட 9 பேருமாக மொத்தம்  11 பேர் ஞாயிற்றுக்கிழ இரவு 14.100.2018 கைது செய்யப்பட்டிருப்பதாக காத்தான்குடி பொலிஸார் தெரிவித்தனர்.

Sunday, October 14, 2018

கல்முனையில் வாகனத் தரிப்பிடம் அமைக்க நடவடிக்கை

கல்முனையில் வாகனத் தரிப்பிடம் அமைக்க நடவடிக்கை

கல்முனை நகரின் நீண்டகாலத் தேவையாக இருந்து வருகின்ற வாகனத் தரிப்பிடம் ஒன்றை அமைப்பதற்கு விரைவில் நடவடிக்கை எடுக்கப்படுமென, கல்முனை மாநகர முதல்வர் சிரேஷ்ட சட்டத்தரணி ஏ.எம்.றகீப் உறுதியளித்தார்.

கல்முனை வர்த்தகர் சங்கப் பிரதிநிதிகளுடனான சந்திப்பு, மாநகர முதலவர் செயலகத்தில் நேற்று (10) இரவு நடைபெற்றபோது, பிரதிநிதிகளால்  முன்வைக்கப்பட்ட கோரிக்கையை ஏற்றே, முதல்வர் இதனைத் தெரிவித்தார்.

கல்முனை வர்த்தகர் சங்கத்தின் தலைவர் கே.எம்.சித்தீக் தலைமையிலான பிரதிநிதிகள், முதல்வருடனான இச்சந்திப்பின்போது கல்முனையில் நிலவும் குறைபாடுகள், அவசியத் தேவைகள், அபிவிருத்தித் திட்டங்கள் குறித்துக் கலந்துரையாடியுள்ளதுடன், தமது கோரிக்கைகள் அடங்கிய மகஜர் ஒன்றையும் முதல்வரிடம் கையளித்துள்ளனர்.